តើលោកហេតុអ្វីសម រង្ស៊ីមិនវិលត្រឡប់មកកម្ពុជាវិញឆាប់ៗដើម្បីតទាល់នឹងតុលាការក្រុងភ្នំពេញទៅតាមបណ្តឹងរបស់រដ្ឋាភិបារបស់លោកនាយករដ្ឋមន្ត្រីហ៊ុនដែរ បើលោកនាយករដ្ឋមន្ត្រីហ៊ុនលុបចោលបម្រាមដែលតែងតែថាលោកហ៊ុន សែនកំសាកមិនហ៊ានប្រកួតប្រជែងនយោបាយជាមួយលោកហើយនោះ?
កាលពីថ្ងៃទី១២តុលា ឆ្នាំ២០១៦ រដ្ឋាភិបាលរបស់លោកនាយករដ្ឋមន្ត្រីហ៊ុន សែនបានចេញលិខិត១ ហាមប្រាមមិនឲ្យលោកសម រង្ស៊ីចេញមកកាន់ប្រទេសកម្ពុជា ដោយប្រកាសថា បើលោកសម រង្ស៊ីធ្វើដំណើរតាមផ្លូវទឹកត្រូវឃាត់ទូកកប៉ាល់ នាវានោះ បើមកផ្លូវអាកាសមិនត្រូវលក់សំបុត្រយន្តឲ្យលោកឡើយ តែបើបានជាមកហើយត្រូវបញ្ជូាយន្តហោះនោះមិនឲ្យចុះចតឡើយហើយបញ្ជូនលោកសម រង្ស៊ីឲ្យ ត្រឡប់ទៅវិញ ។ រីឯមន្ត្រីព្រំដែនត្រូវត្រួតពិនិត្យឲ្យបានច្បាស់ក្រែងលោកសម រង្ស៊ីបន្លំខ្លួនចូលតាមច្រក់ដីគោគ ។
ប៉ុន្តែនៅយប់ថ្ងៃទី១៤ខែមិថុនាកន្លងទៅអគ្គនាយកដ្ឋានអន្តោបវេសន៍ចេញលិខិតមួយលុបចោលនូវបម្រាមនោះភ្លាម គឺក្រោយថ្ងៃដែលលោកប្រកាសថា គណបក្សប្រជាជនកម្ពុជាកំសាក មិនហ៊ានប្រកួតប្រជែងជាមួយនឹងរូបលោក ទើបហ៊ានឃាតរូបលោកមិនឲ្យចូលមក ប្រទេសកម្ពុជា ។
ទោះយ៉ាងនោះក្តីលោក សម រង្ស៊ីបានថ្លែងថាលោកនឹងមិនវិលមកប្រទេសកម្ពុជាភ្លាមៗនោះទេ ។ តើហេតុអ្វីទើបលោក សម រង្ស៊ីមិនចូលមកប្រទេសកម្ពុជាវិញ ភ្លាមៗដើម្បីរៀបចំគោលនយោបាយ និងពង្រឹងផ្ទៃក្នុងបក្សរបស់លោក បើបក្សកាន់អំណាចបានលុបចោលបម្រាមដូចបំណងរបស់លោកទៅ ហើយនោះ ?
តើលោកមិនខ្លាចបក្សកាន់អំណាចថារូបលោកកំសាកវិញម្តងទេ?
នៅថ្ងៃនេះដែរ លោកសម រង្ស៊ីបានបង្ហោះសាររដ្ឋប្រហារមួយកាលពីថ្ងៃ៥ ថ្ងៃ៦ ឆ្នាំ១៩៩៧ លើបណ្តាញសង្គមរបស់លោក ដោយដាក់រូបលោកនាយករដ្ឋមន្ត្រីហ៊ុន សែន ។ ទាំងនេះទំនងជាលោក ចង់បង្ហាញថា ស្ថានការណ៍នយោបាយមានសភាពតានតឹង នឹងអាចធ្លាក់ចូលក្នុងអន្ទាក់់មរណៈដូចដែល សម័យសម្តេចក្រុមព្រះ ចាញ់បោក លោកនាយករដ្ឋមន្ត្រីហ៊ុន សែនម្តងហើយម្តងទៀតរហូត គេបំបែកបក្សហ្វុនស៊ីនប៉ិចជាពីរជាបី រហូតសព្វថ្ងៃ ប្រសិនបើរូបលោកវិលចូលមកកាន់ប្រទេសភ្លាមៗ។
លោកសម រង្ស៊ីនាពេលជាប់បណ្តឹងរបស់មន្ត្រីរាជរដ្ឋាភិបាល៣ករណីទៅហើយ គឺបណ្តឹងបរិហារកេរ្តិ៍របស់លោកនាយហោ ណាំហុង បណ្តឹងរឿបបង្គោលព្រំដែន និងបណ្តឹងប្រធានរដ្ឋសភា ហេង សំរិន និងជំនួយការរបស់លោកនាយករដ្ឋមន្ត្រីហ៊ុន សែនផងដែរ ។
ទាំងនេះគឺសុទ្ធតែជាបញ្ហាដែលលោក សម រង្ស៊ីត្រូវគិតពីបញ្ហាជីវិតនយោបាយរបស់លោក ដែលអាច នឹងប្រឈមមុខកាត់ទោសឲ្យជាប់ពន្ធនាគាររហូតរូបលោកត្រូវបញ្ចប់ជីវិតនយោបាយ ដូចជាសម្តេច ក្រុម និងញឹកប៊ុន ឆៃ ហើយគណបក្សសង្គ្រោះជាតិរបស់លោក ក៏នឹងត្រូវវាសនាមិនល្អដូចហ៊្វុនស៊ីនប៉ិចដែរ ទើបលោកមិនវិលវិញភ្លាមៗ ដោយរង់ចាំ ស្វះស្វែងរកជំនួយពីបណ្តាមិត្តិអន្តរជាតិ និងសហរដ្ឋអាមេរិក ។
យើងមិនដឹងលោកសម រង្ស៊ីមានទឹកប្រៃអាចពឹងពាក់មិត្តអ្នកប្រជាធិបតេយ្យបានឬយ៉ាងណាទេ ។ ថ្លៃងទៅកាន់អ្នកយកសារព័ត៍មានVOA យប់ថ្ងៃទី១៥មិថុនា លោក សម រង្ស៊ីថា លោកស្នើសុំសភា អាមេរិក និងមន្ត្រីមិត្តប្រទេសប្រជាធិបតេយ្យផ្សេងៗឲ្យជួយដល់កម្ពុជាក្នុងការសង្កេត តាមដានដំណើរការបោះឆ្នោតនាឆ្នាំ២០១៨ ដើម្បីឲ្យមានការផ្លាស់ប្តូរ និងដោយសេរីនិងយុត្តិធម៌។
ប៉ុន្តែបញ្ហារឿងក្តីរបស់លោកនៅតែមិនទាន់ដោះស្រាយបាន តើនរណាជួយលោកឲ្យរួចផុតការចោទប្រកាន់នេះបាន?
