ក្រសួងពាណិជ្ជកម្មកម្ពុជា

អង្គការGIZ នៃប្រទេសអាល្លឺម៉ង ផ្តល់ជំនួយទឹកប្រាក់ប្រាមាណ៦លាយអ៊ីរ៉ូ ដើម្បីលើកកំពស់វិស័យសុខាភិបាលនៅកម្ពុជា

កាលពីថ្ងៃទី០៩ មិថុនា ២០១៧កន្លងទៅ ក្រសួងពាណិជ្ជកម្មបានបើកសឹក្ខា មួយស្តីពីរបាំងទេសចរណ៍នៅកម្ពុជា ផ្តោតសំខាន់លើវិស័យសុខាភិបាល និងទេសចរណ៍ ។ លោកជំទាវ តឹក រ៉េត រដ្ឋលេខាធិការកម្រងនៃក្រសួងពាណិជ្ជកម្មកម្ពុជាដែលដឹកនាំអង្គសឹក្ខាសាលានេះបានឲ្យជម្រាបអង្គការGIZ តំណាងឲ្យសភាពាណិជ្ជកម្មអ៊ឺរ៉ុបថា កម្ពុជាមាន វិស័យសំខាន់ៗមួយចំនួនដូចជា ធូរកិច្ច ទេសចរណ៍ សុខាភិបាល និងសំណងជាដើម ដើម្បីជំរុញ និងអភិវឌ្ឍសេដ្ឋកិច្ចនៅកម្ពុជាឲ្យបានប្រសើរ  ។

វិស័យទេសចរណ៍នៅកម្ពុជារាប់ចាប់តាំងឆ្នាំ២០១១ ដល់ឆ្នាំ២០១៦ ចំនួនភ្ញៀវទេសចរណ៍ដែលមកទស្សនានៅកម្ពុជាច្រើនជាងគេ មានជនជាតិវៀតណាម និងជនជាតិចិន គឺភ្ញៀវវៀតណាម នៅក្នុងឆ្នាំ២០១៦ មាន២១២១២២០នាក់ ឆ្នាំ២០១១  ក្នុងឆ្នាំ២០១៥ ២០៩៧ ៧៥៨នាក់ ឆ្នាំ២០១៤ មាន១៩១៨ ១៣០នាក់ ឆ្នាំ២០១៣ មានចំនួន១៨៣១ ៥០៧នាក់ ឆ្នាំ២០១២ មានចំនួន១៥១៤ ២៦៧នាក់ និងឆ្នាំ២០១១ មានចំនួន ១១០១ ១១១នាក់ ។ 

កាលពីឆ្នាំ២០១៣កន្លងទៅ រដ្ឋាភិបាលអូស្ត្រាលីបានព្រមានដល់ប្រជាជនរបស់ខ្លួន ដែលមកទស្សនានៅឲ្យកម្ពុជាឲ្យមានការប្រុងប្រយត្នចំពោះឧទ្ទវហេតុណាដែលកើតដោយសារបញ្ហាជ្រួលច្របលក្រោយការបោះឆ្នោតជាតិ ។ ទោះយ៉ាងណាចំនួន ភ្ញៀវទេសចរណ៍អូស្រ្តាលីបានជាប់លំដាប់ថ្នាក់លេខ១១ បើប្រៀបធៀបនឹងចំនួនភ្ញៀវទេចរណ៍នៃមហាអំណាច រ៉ុស្ស៊ី ដែលមទស្សនានៅកម្ពុជាត្រឹមតែ១៣១ ៦៧៥នាក់ប៉ុណ្ណោះនៅក្នុងឆ្នាំ២០១៣។ 

លោកជំទាវ តឹក រ៉េតបន្ថែមថា លោកស្រីនឹងរៀបចំចង់ក្រងយុទ្ធសាស្ត្រគោលនយោបាយជាតិដើម្បីអភិវឌ្ឍលើ វិស័យសុខាភិបាលនិងទេសចរណ៍បន្ថែមទៀតឲ្យកាន់តែប្រសើរ ។

អង្គការGIZ បានផ្តល់នូវថវិការចំនួន៦លានអ៊ឺរ៉ូដើម្បីជំរុញដល់ការចូលរួមសមាហរន្តកម្មទីផ្សារអាស៊ាន និងវិស័យទេសចរណ៍និងសុខាភបាលនៅកម្ពុជា ។ 

សមាហរណកម្មទីផ្សារអាស៊ានតែមួយនេះ មានការចូលរួមដោយប្រទេសចំនួនបួនគឺ ភូមា ឡាវ វៀតណាម និងកម្ពុជា ។ ឯគម្រោងនេះបានចាប់ផ្តើម តាំងពីខែសីហា ឆ្នាំ២០១៥ និងបញ្ចប់ទៅវិញនៅខែមិថុនា នៅឆ្នាំ២០១៨។

Read More

គោលគំហរមន្ត្រីរដ្ឋាភិបាលមុននិងក្រោយការបោះឆ្នោត

គោលគំហរមន្ត្រីរដ្ឋាភិបាលមកពីគណបក្សកាន់អំណាចមុននិងក្រោយការបោះឆ្នោតក្រុមប្រឹក្សាឃុំសង្កាត់អាណត្តិទី៤

ជារៀងរាល់អាណត្តិ មិនថាតែរដូវកាលបោះឆ្នោតជាតិឬបោះឆ្នោតឃុំសង្កាត់ឡើយ មន្ត្រីគណបក្សប្រជាជនកម្ពុជា ពិសេសលោកនាយករដ្ឋមន្ត្រីហ៊ុន សែន តែងតែលើកឡើងពីបញ្ហាសង្គ្រាម និងសេក្តី ទុក្ខលំបាក់សម័យខ្មែរ ហើយក្រើនរំលឹកឲ្យពលរដ្ឋខ្មែរនឹករឭកដឹងគុណដល់មិត្តយួនម៉ឺនឆ្នាំ ដែលបានជួយជ្រោមជ្រែង បណ្តេញក្រុមខ្មែរឲ្យចេញពីអំណាច ។ 

ជារឿយៗលោកនាយករដ្ឋមន្ត្រីហ៊ុន សែនតែងយកឳកាសផ្សព្វផ្សាយពីរបបប៉ុល ពត និងរឿងសង្គ្រាម ដើម្បីឲ្យពលរដ្ឋខ្មែរបាក់បបខ្លប ខ្លាចសង្គ្រាម មិនហ៊ានរើបម្រើ ប្រឆាំងនឹងរដ្ឋាភិបាល រួមទាំងមិនហ៊ានលើកឡើងនូវគំនិតអ្វីដែល ខ្លួនឹកឃើញថាត្រូវ ឬនឹកគិតងាករេទៅរកបក្សនយោបាយណា១ផ្សេងពីបក្សប្រជាជនឡើយ បើទោះ ជាបក្សនេះកាន់អំណាចជាង៣០ឆ្នាំហើយមិនមានការរីកចម្រើន ព្រមទាំងបាត់បង់សម្បត្តិជាតិយ៉ាងណាក៏ដោយ លោកនៅតែចង់កាន់អំណាចលុះលោកស្លាប់ហើយអាចបន្តដល់កូនចៅទៀតផង។

មុនរដូវកាលបោះឆ្នោតឈានចូលមកដល់ មន្ត្រីជាន់ខ្ពស់របស់លោកនាយករដ្ឋមន្ត្រីហ៊ុនសែនគឺលោក ទៀបាញ់ បានព្រមានដល់គណបក្សប្រឆាំងគឺគណបក្សសង្គ្រោះជាតិថា«បើចាញ់ឆ្នោតហ៊ានតវ៉ា នឹងវាយបាក់ធ្មេញ» ។ សារព្រមានមួយនេះបានជាសារដ៏ល្បីល្បាញ ពេញ និយមដល់ក្រុមអ្នកលេងបណ្តាញសង្គមយកមក ផុសចែកចាយ ហើយនិយាយបញ្ចើកបញ្ចើគ្រប់ៗគ្នា  ហើយពួកគេបញ្ជាក់ថា ពួកត្រូវ តែដូរ មិនអាចទ្រាំរស់ក្នុងស្ថានភាពប្រទេសក្រីក្រតោកយ៉ាក គ្មានការងារ ហើយ សុខចិត្តអង្គុយមើល ប្រទេសជាតិប្រឈមមុខនឹងបាត់បង់ឡើយ ។ 

ជាថ្មីម្តងទៀត កាលពីថ្ងៃទី៣មិថុនាគឺមុនថ្ងៃរៀបចំការបោះ ឆ្នោតសម្រាប់ក្រុមប្រឹក្សាឃុំសង្កាត់១ថ្ងៃលោកទៀ បាញ់បានផ្ញើសារស្តីសង្គ្រាមម្តងទៀត ដោយ លោកបានផ្ញើសារនៅបណ្តាញសង្គមរបស់លោកថា «សង្គ្រាមនៅតែបន្តក្នុងប្រទេសមួយចំនួន ដែលបណ្តាលអោយជនស្លូតត្រង់រាប់ម៉ឺនសែននាក់បាត់បង់ជីវិត។ មនុស្សជាច្រើនត្រូវបង្ខំចិត្តភៀសខ្លួនចេញពីមាតុភូមិកំណើត ព្រាត់ប្រាស់គ្រួសារ ប្រឈមនឹងភាពអត់ឃ្លាន និងរងនូវការឈឺចាប់ខ្លោចផ្សាហួសប្រមាណ។ ទំហំនៃការឈឺចាប់នេះ ប្រហែលជាគ្មានអ្នកណាអាចយល់បានទេ ក្រៅពីពួកគាត់ និងអ្នកដែលធ្លាប់ហែលឆ្លងនូវហេតុការណ៍ដ៏អាក្រក់បែបនេះ...សូមបងប្អូន​ ប្រជាជន​ទាំង​អស់​ជួយ​គ្នា​រក្សា​ សន្តិភាព​ របស់​យើង​អោយ​បាន​គង់វង្ស​ជា​រៀង​រហូត​។» ។

ទន្ទឹមនឹងផ្ញើសារតាមបណ្តាញសង្គម និងប្រព័ន្ធផ្សព្វ ជាតិនិងឯកជន មានវិទ្យុនិងទូរទស្សន៍ជាដើមនោះ គណបក្សប្រជាជនក៍បានតែងជាបទចម្រៀងទៀត ផង ដើម្បីបម្រើឲ្យនយោបាយរបស់ខ្លួន ។

 បើទោះបីជាមានការរារាំងនិងគំរាមកំហែងថានឹងមានសង្គ្រាមប្រសិនបើគណបក្សប្រជាជនធ្លាក់ ឆ្នោតក្តី ក៍ពលរដ្ឋពីមួយថ្ងៃទៅមួយថ្ងៃចេញមកគាំទ្រគណបក្សសង្គ្រោះជាតិជាបន្តបន្ទាប់ ហើយចូល រួមដង្ហែយុទ្ធនាការស្វែងរកសំឡេងឆ្នោតដោយស្ម័គ្រ មិនគិតពីសាំងកម្លាំងលុយកាក់ទៀតផង ។
ផ្ទុយពីគណបក្សប្រជាជនដែលប្រើមធ្យោបាយអូសទាញ ទិញទឹកចិត្ត និងការគំរាមកំហែង។

លោកកឹម សុខាដឹកនាំក្បួនដង្ហែបក្សឃោសនាស្វែងរកសំឡេងឆ្នោតនាខេត្តឧត្តរមានជ័យនៅថ្ងៃទ២៦ ខែឧសភា ២០១៧កន្លងទៅ​ បានមានប្រសាសន៍ថា «គណបក្សសង្គ្រោះជាតិ ចង់ប្រកួតប្រ ជែងនយោបាយនឹងគ្នា ពុំមែនប្រកួតប្រជែងកម្លាំងបាយ គំរាមកំហែងឡើយ » ។ លោកបន្ថែមថា គណបក្សសង្គ្រោះជាតិពុំដែលគំរាមកំហែង ឬចង់មានសង្គ្រាមអ្វីឡើយ គណបក្សមួយទៀតនោះ ចូលចិត្តគំរាមកំហែង ចូលចិត្តសង្គ្រាម លេងខូច ដូច្នេះ បងប្អូនគិតមើលចុះ ថាតើបោះឆ្នោតឲ្យបក្សល្អ ឬបោះឲ្យបក្សដែលចូលចិត្តបំផិតបំភ័យពលរដ្ឋ ចូលចិត្តប្រើអំពើហឹង្សា ។

 

ក្រោយការបោះឆ្នោតជ្រើសរើសក្រុមប្រឹក្សាឃុំសង្កាត់រួច ហើយលទ្ធផលបណ្តោះអាសន្នក៍បានចេញ ជាបណ្តើរៗ មន្ត្រីជាន់ខ្ពស់គណបក្សប្រជាជន មានទស្សនៈផ្សេងៗគ្នា ដោយសារតែតំណែងសមាជិកក្រុម ប្រឹក្សាឃុំសង្កាត់របស់ខ្លួនចំនួនជិត៥០០ត្រូវបាត់បង់និងធ្លាក់ទៅលើគណបក្សសង្គ្រោះជាតិ ។

លោកខៀវ កញ្ញារិទ្ធ រដ្ឋមន្ត្រីក្រសួងព័ត៍មាន បានសរសេរនៅលើបណ្តាញសង្គមរបស់ខ្លួន ចម្រៀង ដែលគណបក្សប្រជាជនចាក់ដដែលឲ្យយុវជនស្តាប់ គេសាំហើយ  គេលែងចង់ស្តាប់ហើយ គេចង់ឮ  ចម្រៀងអ្វីដែលថ្មី ទាន់​សម័យ ទំនើប វិវត្តនជឿនលឿនទៅមុខ ពុំមែនស្តាប់ចម្រៀងតែ១បទទេ ។ 

លោកបន្ថែមថា«ប្រជាជនយើងមានប្រហែល៧០%កើតក្រោយ០៧មករា ១៩៧៩ ហើយអ្វីដែលពួក គាត់ចង់បានគឺការយកចិត្តទុកដាក់របស់CPP ទៅលើអនាគតយុវជន ហើយយុវជនមិនខ្លាច សង្គ្រាមទេ បើកាន់តែគំរាម យុវជនកាន់តែផ្គើន តែបើCPPមានគោលនយោបាយផ្តោតលើយុវជនកាន់តែច្រើន នោះពួកគាត់នឹងគាំទ្រដោយស្មោះ»។

ទោះយ៉ាងណាគោលនយោបាយដីសម្បទានប្រមាណជាង៣លានហិកតា ឲ្យទៅឈ្មួញឧកញ៉ាបរទេស ចិនយួន គោលនយោបាយបរិដ្ឋាន ការពារធនធានធម្មជាតិរ៉ែនិងនយោបាយព្រំដែន ត្រូវបានបរាជ័យយ៉ាងអាម៉ាស់ជទីបំផុត ជាញឹកញយអ្នកនិយមលេងបណ្តាញសង្គមហ្វេសប៊ុក តែងតែយក សម្តីលោកនាយករដ្ឋមន្ត្រីហ៊ុន សែនសន្យាកាលពីឆ្នាំ២០១៣បញ្ចើកបញ្ចើថា តើពេលណាលោកនាយករដ្ឋមន្ត្រីហ៊ុន សែនកាត់ក បើដីព្រៃសម្បទាន ព្រៃឈើត្រូវគេកាប់បំផ្លាញរាល់ថ្ងៃដូច្នេះ៕

Read More

ថ្ងៃឃោសនាស្វែងរកសំឡេងឆ្នោតចុងក្រោយនៃគណបក្សនយោបាយ

ថ្ងៃឃោសនាស្វែងរកសន្លឹកឆ្នោតចុងក្រោយនៃគណបក្សសង្គ្រោះជាតិសម្រាប់អាណត្តិទី៤ត្រូវបានរៀបចំនៅមុខវត្តពោធិយារាមហៅវត្តចាស់  

នៅថ្ងៃទី២ មិថុនា២០១៧ នេះគឺជាថ្ងៃចុងក្រោយនៃការឃោសនាស្វែងរកសំឡេងឆ្នោតរបស់គណបក្សនយោបាយទាំង១២នៅប្រទេសកម្ពុជា  ។ គណបក្សសង្គ្រោះជាតិ(CNRP)ដែលដឹកនាំដោយលោក កឹម សុខា អវត្តមានលោកសម រង្ស៊ីព្រោះជាប់បណ្តឹងរបស់គណបក្សប្រជាជនកម្ពុជាដ៏ច្រើនរាប់មិនអស់ ក៏សម្រេចចិត្តលាលែងពីប្រធានគណបក្សយ៉ាងតក់ក្រហល់ បន្ទាប់ពីសភាជាតិដែលដឹកនាំដោយគណបក្សប្រជាជនកម្ពុជា គឺលោក ហេង សំរិនបានប្រជុំអនុម័ត​ច្បាប់ស្តីពីប្រធានគណបក្សនយោបាយមិនត្រូវជាប់ទោសទណ្ឌ ។

ក្នុងការឃោសនាសំឡេងឆ្នោតសម្រាប់ឃុំសង្កាត់អាណត្តិទី៤នេះ បើទោះបីគ្មានគ្មានវត្តមានលោកសម រង្ស៊ីក្តី ក៏អ្នកគាំទ្រនៅតែបន្តចូលរួមគាំទ្រយ៉ាងច្រើនកុះករ គ្រប់ខេត្តក្រុង ។ ដោយការប្តេជ្ញាចិត្តផ្លាស់ប្តូរ និងចង់មានមេដឹកនាំ មិនពុករលួយ មិនរណបបរទេស ពលរដ្ឋខ្លះសុខចិត្តចំណាយពលេវេលា និងថវិការបស់ខ្លួនដើម្បីចូលរួមក្នុងការឃោសនារកសំឡេងឆ្នោតនេះ ។

កាលពីថ្ងៃទី០២ មិថុនាព្រឹកមិញនេះ ក្បួនសមាជិកគណបក្សសង្គ្រោះជាតិ២រថយន្តត្រូវអាជ្ញាធរហាមឃាត់មិនឲ្យមកចូលរួមក្បួនដង្ហែធំនៅវត្តចាស់​សង្កាត់ជ្រោយចង្វា ។​
ជារឿយយៗដ្ឋាភិបាលតែងតែរារាំងនិងហាមឃាត់បន្ទុចបង្អាក់គណបក្សប្រឆាំងដោយលើកមូលហេតុផ្សេងៗ ដោយហោចទៅ សូម្បីសារសំឡេងរបស់លោក សម រង្ស៊ីក៏ត្រូវបានគណបក្សប្រជាជនកម្ពុជា ហាមប្រាមមិនឲ្យចាកផ្សាយនៅក្នុងការឃោសនាស្វែងរកសំឡេងឆ្នោតផងដែរ ។

នៅក្នុងថ្ងៃឃោសនារកសំឡេងឆ្នោតចុងក្រោយនេះ គណបក្សសង្គ្រោះជាតិបានប្រឹងប្រឹងគ្រប់យុទ្ធវិធីដើម្បីឈានទៅរកជ័យជំនះ ទន្ទឹមនឹងគណបក្សប្រជាជនហាក់កាត់បន្ថយការកៀបសង្កត់និងទិញដូរនិងចែកអំណោយដូចអាណត្តិមុនៗ ។
ប្រធានគណបសង្គ្រោះជាតិបានប្រមានថា នឹងទទួលបានជ័យជំនះលើសពី៦០ភាគរយលើឃុំសង្កាត់ទូទាំងប្រទេស។

Read More

លោកកឹម សុខាថា២០១៨ឈ្នះទៀត

លោកកឹម សុខាប្រធានគណបក្សសង្គ្រោះជាតិថ្លែងថាគណបក្សសង្គ្រោះជាតិនឹងទទួលបានជ័យជំនះទៀតនៅឆ្នាំ២០១៨

នាថ្ងៃឃោសនាស្វែងរកសំឡេងឆ្នោតទី២៦ ខែឧសភានេះ ពីខេត្តឧត្តមមានជ័យលោក កឹម សុខាប្រធាគណបក្សសង្គ្រោះជាតិបានថ្លៃងទៅកាន់សមាជិកនិងអ្នកគាំទ្ររបស់លោករាប់ពាន់នាក់ ថា«តើបងប្អូនបោះឆ្នោតជួនមនុស្សល្អឬអាក្រក់ តើបងប្អូនបោះឆ្នោតជួនគណបក្សដែលរំខាន ឬបោះជូនគណបក្សល្អ?» ។ បន្ទាប់ពីពលរដ្ឋបានឆ្លើយតបនឹងសំនួរលោកដោយសេចក្តីស្វាគមន៍ហើយ ហើយលោកបានបន្ថែមថា «គណបក្សសង្គ្រោះជាតិយើងនិងទទួលបានជ័យជំនះទៀត​នៅឆ្នាំ២០១៨ ដោយពលរដ្ឋស្រលាញ់គណបក្សល្អ ស្រលាញ់មនុស្ស ។​

បើទោះបីជាមានការរំខានពីអ្នកគាំទ្រគណបក្សប្រជាជនដោយចាក់ធុងបាស់យ៉ាងក្តី លោកកឹម សុខាជម្រាប់ទៅសមាជិករបស់ខ្លួនឲ្យទ្រាំទៅ ដើម្បីទទួលបាននូវជ័យជំនះ ។



ទន្ទឹនឹងការរំខានរារាំងក្បួនឃោសនារកសំឡេងឆ្នោតរបស់លោក ព្រះសង្ឃមួយអង្គត្រូវបានឃាត់ខ្លួន និងដកហូតយកទូរស័ព្ទ ក្នុងខណៈដែលព្រះសង្ឃអង្គនោះកំពុងតែLive ហ្វេសប៊ុក អំពីសកម្មភាពរបស់អាជ្ញាធរខេត្តឧត្តរមានជ័យ ដែលមានរារាំងក្បួនលោកកឹម សុខាប្រធានគណបក្សសង្គ្រោះជាតិ ហើយនាំព្រះអង្គទៅសាកសួរអស់ជាច្រើនម៉ោង ។
អាជ្ញាធរដែលដឹកនាំក្នុងការរារាំងក្បួនលោកកឹម សុខា និងឃាត់ព្រះកាយព្រះសង្ឃ១អង្គព្រះនាមព្រឹម ហួន ដឹកនាំដោយ លោក ចៅហ្វាយខេត្ត ស ថាវី ដោយចោទពីបទព្រះអង្គបានLive បង្ខូចអាជ្ញាធរវាយដុំពលរដ្ឋ ។

Read More

Former leader of CNRP announce about sign of CNRP

Read More

First Day Campaign commune Election

Read More

Commune Election Campaign of political party for fourth day

Read More

PM Hun Sen

Read More

កងធម៌ថ្នាក់ត្រី

កងធម៍ថ្នាក់ត្រីទ្រឹស្តីរបស់ព្រះពុទ្ធក្នុងការអប់រំបរិស័ទសាវ័កឲ្យចេះទូន្មានខ្លួនឲ្យបានល្អប្រសើរក្នុងជីវិតរស់នៅប្រចាំថ្ងៃក៏ជូចជាមានសីលធម៌ល្អក្នុងល្អសហគមន៍របស់ខ្លួន ចេះធ្វើប្រយោជន៏ដើម្បីខ្លួននិងសង្គមខ្លួន។

១/អត្តា ហវេ ​ជិតំ សេយ្យោ  ឈ្នះខ្លួនឯងប្រសើរជាង

២/ អត្តា ហិ កិរ ទុទ្ទមោ បុគ្គលប្រដៅខ្លួនបានដោយក្រ

៣/អត្តា សុទន្តោ បុរិសស្ស ជោតិ ខ្លួនទូន្មាន្លួនជាពន្លឺនៃបុរស។

៤/អត្តាហិ អត្តនោនាថោ ខ្លួនទីពឹងខ្លួន

៥/អត្តាហិ អត្តនោ គតិ ខ្លួនជាគំនិតរបស់ខ្លួន(ដំណើរ)

៦/អត្តាហិ អមរំ បិយោ ខ្លួនជាទីស្រលាញ់ខ្លួនឯង

៧/នត្ថិ អត្តសមំ បេមំ​ គ្មានសេចក្តីស្រលាញ់ស្មើរខ្លួន

៨/អត្តនាវ កតំ បាបំ អត្តនា សង្កិលេស្សតិ ធ្វើបាបខ្លួនឯងសៅហ្មងខ្លួនឯង

៩/អត្តនាវ អកតំ បាបំ អត្តនាវ វិសុជ្ឈតិ មិនធ្វើបាបខ្លួនឯងរមែងមិនសៅហ្មងដោយខ្លួន

១០/អត្តត្ថញ្ញា អសុចី មនុស្សា បុគ្គលដែលឃើញតែប្រយោជន៍ខ្លួនជាមនុស្សអសោច៍

១១/អត្តានំ ទមយន្តិ បណ្ឌិតា បណ្ឌិតទាំងឡយរមែងទូន្មានខ្លួនឯង

១២/អត្តានំ ទមយន្តិ សុព្វតា អ្នកប្រព្រឹត្តល្អរមែងទូន្មានខ្លួនបាន

១៣/អត្តនា ហិ សុទន្តេន​នាថំ លភតិ ទុល្លភំ

 បុគ្គលមានខ្លួនទូន្មានល្អហើយ រមែងបានជាទីពឹងដោយកម្រ

១៤ អត្តានញ្ចេ បិយំ​ ជញ្ញា រក្ខេយ្យ នំ សុរក្ខិតំ បុគ្គលគប្បីដឹងខ្លួនជាទីស្រលាញ់របស់ខ្លួននិងគប្បីរក្សាខ្លួនឲ្យបានល្អ។

១៥/ បរិយោ ទបេយ្យ អត្តានំចិត្តកិលេសេហិ បណ្ឌិតោ បណ្ឌិតគប្បីធ្វើខ្លួនឲ្យផូរផង ចាកញគ្រឿងសៅហ្មងចិត្តទាំងឡាយ។

១៦/  អត្តានញ្ចេ តថា កយិរា យថញ្ញមនុសាសតិ ប្រដៅគេយ៉ាងណាគប្បីធ្វើយ៉ាងនោះ។

១៧/ អត្តនា ចោទយត្តានំ ចូរចោទខ្លួនដោយខ្លួនឯង។

១៨/បដិមំសេ​ តមត្តនា ចូរពិចារណាខ្លួនដោយខ្លួនឯង។

១៩/ ទុគ្គា ឧទ្ធរថត្តានំ បង្កេ សន្នោវ កុញ្ជរោ ចូររើខ្លួនឡើងចាក់ភក់ដូចដំរីជាប់ភក់។

២០/ ​អត្តានុរក្ខី ភវ មា អឌយ្ហ ចូររក្សាខ្លួនរឿយៗ កុំគប្បីដុតកំឡោចខ្លួន។

២១/ អត្តទត្ថំ បរត្ថេន ពហុនាបិ នហាបយេ កុំគប្បីធ្វើប្រយោជន៍ខ្លួនឲ្យសាបសូន្យព្រោះប្រយោជន៍អ្នកដ៍ទេ។

Read More

មន្ត្រីឆ្កែប៉ូលីសត្រូវបានចោរប្លន់ប្រដាប់ដោយអាវុធបាញ់ត្រូវយ៉ាងធ្ងន់ធ្ងរក្នុងខណៈឆ្កែនោះបញ្ជូនគ្រាប់ជួយមិត្តប៉ូលីសផ្សេងទៀត

រដ្ឋFlorida នៅកោះPalm Beach ឆ្កែមួយក្បាលត្រូវបានក្រុមខ្មាន់កំាភ្លើងបាញ់ត្រូវយ៉ាងដំណំក្នុងខណៈពេលឆ្កែនោះដឹកជញ្ជូនទៅឲ្យមន្ត្រីប៉ូលីសដែលជាមិត្តរបស់ខ្លួន ។ បើតាមមក្រុមន្ត្រីប៉ូលីស Kasper នៃPalm Beach County sheriff K -9 ឆ្កែនោះសង្ឃឹមថានៅរស់មានជីវិតក្រោយពេលនដែលត្រូវបានជួយសង្គ្រោះ។

ការបង្គិចគ្នានេះបានកើតឡើងកាលពីយប់ថ្ងៃសុក្រ ក្នុងខណៈពេលដែលអ្នកសើបអង្កេតស្វែងរកជនសង្ស័យ ឈ្មោះPhilip Oshea អាយុ៤៦ឆ្នាំ បានដឹកនាំប្លន់នៅភាគខាងលេចកោះPalm Beach ប្រមាណ៤ ម៉ាយ។ មន្ត្រីប៉ុស្តិ៍ប្រចាំនៅកោះPalm Beachនិយាយថា Osheaបានដេញនៅម្តុំរោងចក្រ ជាទីកន្លែងដែលរថយន្តមានគ្រោះថ្នាក់ បន្ទាប់មកក៏បាញ់ប្រយុទ្ធគ្នា។ Oshea បានរត់គេចហើយវាយបកនឹងមន្ត្រីប៉ូលីសម្តងទៀតក្រោយពេលដែលស្វែងរកពួកគេឃើញនៅចំណត់Jupiter ហើយក៏ត្រូវបានត្រូវបាញ់សម្លាប់។

Read More

ជីវប្រវត្តិប្រធានាធិបតី Emmanuel Jean-Michel Frédéric Macron

ជីវប្រវត្តិប្រធានាធិបតី Emmanuel Jean-Michel Frédéric Macron 

លោកប្រធានធិបតី បារាំងអាណត្តិ២០១៧ Emmanuel Jean-Michel Frédéric Macron  កើតនៅថ្ងៃទី២១ ខែ១២ ១៩៧៧ ជាជនជាតិបារាំង ។  គាត់អតីតៈជាតមន្ត្រិបម្រើការរដ្ឋ និងជាងមន្ត្រីធនាគារវនិយោគ ។ គាត់បានបញ្ចប់ការសិក្សាផ្នែកទស្សនវិទ្យា នៅទីក្រុងបារីសParis  Nantere University  និងបានបញ្ចប់ថ្នាក់អនុបណ្ឌិតផ្នែកកិច្ចការសាធារណៈ នៅសកលវិទ្យាល័យ វិទ្យាសាស្ត្រ ប៉ូ(Sciences Po) ហើយ​និង បញ្ចប់ថ្នាក់បរិញ្ញាបត្រមកនៅ មហាវិទ្យាល័យរដ្ឋបាលជាតិ Ecole national  administration  (ENA) ក្នុងឆ្នាំ២០៤ ។

            គាត់បានធ្វើការជាអគ្គធិការកិច្ចនៃក្រសួងហិរញ្ញវត្ថុ ក្រោយមកគាត់បានក្លាយជាមន្ត្រីធនាគារវិនិយោគ ឈ្មោះRothschild&Cie Banque។

​​            លោកMacron បានចូលជាសមាជិកគណបក្សសង្គមនិយម ចាប់តាំងពី២០០៦រហូតដល់ ឆ្នាំ​​​​​​​​​២០០៩ ។

ឆ្នាំ២០១២ លោកMacron ត្រូវបានតែងជាអគ្គលេខាធិការរងក្រោមលោកប្រធានាធិបតី Francois Hollands ជាលើកដំបូង។

            ​២០១៤លោកត្រូវបានតែងតាំងជារដ្ឋមន្ត្រីក្រសួងសេដ្ឋកិច្ច

            គាត់បានលាលែងពីតំណែងរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុក្នុងសីហា ២០១៦ដើម្បីចាប់ ផ្តើមរៀបចំប្រកួតប្រជែងជ្រើសរើសប្រធានាធិបតីឆ្នាំ២០១៧ ។

            កាលពីឆ្នាម២០១៦ក្រោយពេលគាត់លាលែងពិតំណែង គាត់បានប្រកាសថា គាត់និងធ្វើនយោបាយឲ្យមានការផ្លាស់ប្តូរ នយោបាយកណ្តាលនិងសន្តិភាព។

            ការប្រកួតជម្រុះនៅជុំទី១ នៅថ្ងៃ២៣ មេសា ២០១៧ បានបិទបញ្ចប់ដោយជោគជ័យ ។ នៅជុំទី២ ថ្ងៃទី៧ ឧសភាលោកMacron បានឈ្នះជាប្រធានាធិបតីជាប់ឆ្នោត ដោយយោងទៅលើ  លទ្ធផលបឋម  នាពេលនេះជាប្រធានាធិបតីដែលមានវ័យក្មេងនៅប្រទេសបារាំង។

ជីវិតស្នេហារបស់លោក Macron

           

​លោកបានរៀបការនឹងអ្នកស្រី Brigitter Trogneux តាំងពីលោកមានអាយុ២៤ឆ្នាំ  ។ អ្នកស្រី Brigitter Trogneux អតីត

ៈជាអ្នករបស់លោក នៅវិទ្យាល័យមួយឈ្មោះ Providence High School ក្នុងក្រុង Amiens ។ កាលណោះ លោកនិងភរិយារបស់លោក បានជួបគ្នាជាផ្លូវការ និងមានសេចក្តីស្នេហានិងគ្នា ក្នុងអាយុ១៥ឆ្នាំប៉ុណ្ណោះ ។

 លុះដល់ពេលលោកមានអាយុ១៧ឆ្នាំ លោកត្រូវបានឪពុកម្តាយលោកបំបែកបំបាកឲ្យទៅរៀនទីក្រុងប៉ារីស ដើម្បីបញ្ចប់ថ្នាក់វិទ្យាល័យ ។

ជីវិតយុវជនរបស់គាត់បានធ្លាក់ចូលក្នុងជីវិតមួយដែលប្រពៃស្តីបន្ទោសថា មានទំនាក់ទំនងមិនសមរម្យ ហើយគាត់រស់នៅជាមួយគ្នាក្នុងពេលបញ្ចប់មហាវិទ្យាល័យ បន្ទាប់មក លោករៀបការនៅឆ្នាំ២០០៧

Read More