លោកប៉ាងសុខឿន លាតត្រដាងពីឃាតកម្មលើកលោកឈុត វុទ្ធីពាក់ព័ន្ធនឹងត្រកូនហ៊ុន
ការធ្វើឃាតលើរូបលោកឈុត វុទ្ធីអស់រយៈពេលជាច្រើនឆ្នាំហើយ ប៉ុន្តែនៅតែគ្មានពន្លឺយុត្តិធម៌ ហើយក៏គ្មានសមត្ថកិច្ចក្រសួងអាជ្ញាធរមានសមត្ថិកិច្ចរបស់រដ្ឋាភិបាលអើពើស្វះស្វែងរកការពិតជូនលោកឈុត វុទ្ធិ ទេ ។ មិនថា
តែលោកឈុតទេ អ្នកទទួលរងគ្រោះដោយការបាញ់សម្លាប់ ជាច្រើនដូចជាលោកជា វិជ្ជា ព្រះតេជគុណសម ប៊ុនធឿន អ្នកពិសិដ្ឋ ពិលីកា រស់ សុវណ្ណារ៉េត ។ល។ ចុងក្រោយគឺបណ្ឌិត កែម ឡី អ្នកទាំងអស់ នោះសុទ្ធតែជាខ្មោចអយុត្តិធម៌ ជនបម្រើជាតិជាតិ ប៉ុន្តែត្រូវគេសម្លាប់ យ៉ាងប្រល័យក្នុងថ្លុកឈាមក្នុងរបបមួយនេះ ។
នៅថ្ងៃទី១៨ ខែមិនានេះ លោក ប៉ាង សុខឿនបានលាតត្រដាងពីការស្លាប់របស់លោកឈុត វុទ្ធិថាមានពាក់ព័ន្ធនឹងក្រុមឈ្មួញរកស៊ីងងឹត ខុសច្បាប់ បំផ្លាញ់ធនធានធម្មជាតិខ្មែរ លួចជាតិខ្មែរបម្រើជនផ្តាច់ការ ជនពុករលួយ ។
លោកបានសរសេរនៅបណ្តាញសង្គមរបស់លោកថា់៖«ហេតុការណ៏ឃាតកម្ម៖ លោក ឈុត វុទ្ធី ទទួលមរណភាព ថ្ងៃទី ២៦ មេសា ២០១២ គឺជាអតីតប្រធាន “អង្គការក្រុមការពារធនធានធម្មជាតិ Natural Resource Protection Group” ពេលចុះពិនិត្យការកាប់បំផ្លាញព្រៃឈើ។ទីតាំងធ្វើឃាត៖ នៅក្រុមហ៊ុន Timber Green ជាក្រុមហ៊ុនមួយទទួលបានសិទ្ធិប្រមូលអនុផលព្រៃឈើនៅស្ទឹងតាតៃ នៅខេត្តកោះកុង តែតាមពិតក្រុមហ៊ុននេះមិនត្រឹមតែប្រមូលអនុផលព្រៃឈើទេ តែជាក្រុមហ៊ុនកាប់បំផ្លាញព្រៃឈើ និងរកស៊ីជួញដូរវល្លិ៍រមៀតសម្រាប់ផលិតគ្រឿងញៀនថែមទៀត។ ផ្ទុយទៅវិញក្រុមហ៊ុននេះ មិនមានការចុះបញ្ជីត្រឹមត្រូវ គ្មានអាស័យដ្ឋានទំនាក់ទំនងពិតប្រាកដឡើយ នេះបើតាមការផ្សាយរបស់កាសែត ភ្នំពេញប៉ុស្តិ៍ ថ្ងៃទី១១ ខែធ្នូ ២០១១»(http://www.phnompenhpost.com/national/logging-wild-west)។
លោកបានរៀបរាប់ពីឈ្មោះឈ្មួញទុច្ចរិតនិងអ្នកពាក់ព័ន្ធរួមទាំងភាគហ៊ុនជាច្រើនដូចជា៖
លោកស្រី ហ៊ុន ម៉ាណា និងអ្នកស្រីខៀវ សស៊ីលៀប មានភាគហ៊ុនរួមគ្នា៥៧.៥%
លោក ហួ ហាប់មាន៣៥.៥%
ភាគីទី៣មាន១៧%
ប៉ុន្មានឆ្នាំចុងក្រោយនេះត្រកូលហ៊ុនត្រូវបានមតិជាតិនិងអន្តរជាតិ លាតត្រដាងនិងវាយប្រហារជាបន្តបន្ទាប់ ធ្វើឲ្យត្រកូលហ៊ុន អាម៉ាស់ មុខយ៉ាងខ្លាំង ក្នុងនោះអង្គការមួយមានមូលដ្ឋាននៅប្រទេសអង់គ្លេស ដែលមានឈ្មោះថាGlobal Witnessបានដាក់ឈ្មោះត្រកូលរបស់លោក នាយករដ្ឋមន្ត្រីហ៊ុន សែនថាជាខ្សែស្រឡាយអ្នក អ្នកលួចជាតិ។
លោកប៉ាង សុខឿន បានបន្ថែមរឿងទាក់ទងនឹងការសម្លាប់លោកឈុត វុទ្ធិថា«ការស្លាប់របស់លោក ឈុត វុទ្ធី គឺមានវត្តមាន សន្តិសុខក្រុមហ៊ុន Timber Green និង កងរាជអាវុធហត្ថជាអ្នកនៅទីនោះ និងពាក់ព័ន្ធដែរ។ នេះហើយក៏ជាមូលហេតុដែល ពេលធ្វើឃាតភ្លាមគឺគ្រប់ក្រសួងចេញមុខការពារក្រុមហ៊ុន និងជួយផ្សាយលាក់បាំងមេខ្លោងឃាតករ ហើយពួក ម៉ឹង កុម្ភៈ ក៏សកម្មក្នុងការបំភ្លៃព័តមាននៅពេលនោះ»។
ទំនាក់ទំនងរវាងលោកស្រីហ៊ុន ម៉ាណានិង ខៀវ សស៊ីលៀបគឺមានតាមរយៈអតីតៈស្វាមីមុន គឺលោកមឹង កុម្ភៈ ហើយខៀវ សស៊ីលៀប គឺជាប្រពន្ធរបស់មឹងពន្លក់ ដែលជាកូនប្រសារមឹងសំផន ។
ទំនងជាដោយសារតែទំនាក់ទំនងអ្នកទាំងនោះស្អិតរមួតហើយវត្តមានវត្តរបស់កងសន្តិសុខក្រុមរបស់លោកហួ ហាប់ស្ថិតក្នុងហេតុការណ៏ការស្លាប់របស់លោកឈុត វុទ្ធិ ទើបលោកប៉ាងសុខឿនវាយតម្លៃថា ការសម្លាប់លោកឈុត វុទ្ធិគឺមានពាក់ ព័ន្ធនឹងត្រកូលហ៊ុនដែរ ។
